Informazioni sull'opera
TESTO
S'ARRENNEGU 'E LIGABUE
Si m'artuddan sos pilos
seco su 'erru a dentes
e-i sas ungras juco de atzagliu,
canno nana chi solu est su duttore
su chi potet curare male anzenu,
e mi dimanno: «Tanno ite so' jeo?».
Non so' unu pintore
pero poter cheria
pintare unu quadru arrennegatu.
Canno vido pizzinnos cari grogos
mi punghene in su coro sos colores
ch'hat ispartu in sas telas Ligabue.
Unu calich'e samben
travasatu caente a ben'a pare
'achet fozire s'arvor'e sa vita.
E riden sos pizzinnos cari grogos
ridene chin sas laras coraddinas
e mi lu prenan su coro 'e consolu.
Da chi so arribanne a su tramontu
e non poto prus sambene donare,
pensenne a sos pizzinnos cari grogos
che sole cann'ispuntat su manzanu
un'iscutta m'arreo a pilos rizzos.
SCHEDA DELL'OPERA
Titolo | S'arrennegu 'e Ligabue |
Sezione | Poesia |
Autore | Publio Dui |
Nome | |
Anno | 1989 |
Argomento | |
Descrizione | |
Lingua | |
Editore | Premio Ozieri |
Contributore | ATHENA SRL |
Tipo | |
Formato | |
Fonte | Premio Ozieri |
Relazione | Concorso Premio Ozieri 1989 |
Copertura | Logudoro, Sardegna Italia |
Diritti | Comune Ozieri, Premio Ozieri |
Analisi del Testo |