PAMPAS DE ANGLONA

Da-e meda tempus, umpare,
hamus curridu
semidas de disisperu . ..
A coro in bula
imbreagos de 'entu
hamus truvadu
una lagrima noa.
E tue, Terra mia de Anglona,
Terra 'e fogu Argentina,
galu ti forrojas
in sonnios de solidade!
Alas de caos marinos
rodia de corvos pighidos
e montes niados
si pesan da-e mare.
S'astrau «continental»
penetrar, frittu,
sa cara tua iscarenada.
Siccu
unu nuraghe
ojat a su Duamiza.
Conchizos biancos
allijados
da' idulos andinos
sos crastos tuos
antigas che-i su tempus!
Suerzu de monte
«guano» de mare ...
Sa musa de Pablo
gherrat ancora
cun sos chelos tuos
australes,
ti consolar
in s'olvidu de sempre.
Enos trazat s'ammentu
in intragnas tuvucas
peri chimeras de pedra .. .
Ma est dulche su 'asu tou,
o bruna 'asadora,
laras de lentore
subr'a piaes mai cunzadas.