Informazioni sull'opera
SU FIORE 'E SA LIBERTADE
No' istrazzedas sos fiores !
Non trunchedas su tempus !
Dai s'inserru 'e sa notte
fuit sempre su manzanu
et est pizzinnu
e-i su chizu hat de s'Eternu.
S'aberin sos fiores
in su ruarzu 'e Palestina
e-i su passadu est presente,
e-i sa calada est s'albeschida.
Sun basos purpurinos
sas fozittas de Amatzonia,
lizos sos suspiros de Argentina
e-i su tempus chi 'oddin
est raidu galu 'e dolima 'enidora.
Unu mare, dai s'Ararat in fiore,
in s'Africa ch'annegat
sa pighida tristura.
Est ora chi sa Iughe abbiet
sas palas murinas
de sas dies andinas
e un'albeschida 'e seda
addulcat de oro illacanadu
su piantu 'e Tiananmen insambenada.
Su passadu e-i su 'enidore
sun ambos in su fiore
diligu e presente 'e sa libertade.
N on si truncat su tempus,
si I' iscurigat su rier
a chie 'occhit cussos fiores.
Titolo | Su fiore 'e sa Libertade |
Sezione | Poesia |
Autore | Luca Mele |
Nome | |
Anno | 1989 |
Argomento | |
Descrizione | |
Lingua | |
Editore | Premio Ozieri |
Contributore | ATHENA SRL |
Tipo | |
Formato | |
Fonte | Premio Ozieri |
Relazione | Concorso Premio Ozieri 1989 |
Copertura | Logudoro, Sardegna Italia |
Diritti | Comune Ozieri, Premio Ozieri |
Analisi del Testo |