S'ABBOJU
In chelu
nues 'entulzos cun alas de attalzu
istampana s'aera allutta.
In terra
milli ordinzos de morte
ponen in rughe s'avreschida.
In su sonnu
m'ammajat
una cara 'e pizzinna
colore 'e rosa
profumende 'e crisantemos appenas coglidos.
Paret ballende in su carralzu 'e domos lampadas
e pianghende subra 'e muntones de coros crebados.
Abberit sos brazzos
pro m'affianzare a su sinu sou
e deo
l'abbojo
cun sos mios.
Est sa paghe,
sa chima
chi disizat su soldadu.
E m'abbizzo
ch'in su coro meu
b'hat una forza manna
chi brigat
pro pigare ai cussa chima
corno imbarada 'e cabaddettes
seddados a ruos e ferru ispinadu
chi cuan sa caminera 'e s'asseliu.
E piango.
Sas lagrimas
m'attin ammentos
de tempos barigados
e de logos caros
corno cobertos de sambene.
Ah! Sa paghe!
Hap'a restare
sempre cun issa
finas solu
69
cun sa cuntradiscione de soldadu
chi bramat sa vida.