ZERIDITARRANCURU

Cu la pazenzia giumetrica d'un tarrancuru
n'aggiu accolthu azz6ri di tempu
e tissidu trami
di risa e pienti cumuni.
Si fussiani isthadi miriòni
e l'abussia dubudi di zirchà
in milli cuz6ri di mondu
abaristhia multhipricadu chissa virthui
chì è fadigosu, a volthi, accabà
la téra.
Cu la pazenzia assabuda d'una fuimigura
aggiu arribadu chirri d'isisthenzia
undì è ammentu
di parauri e cuntierri mai finidi.
Si fussiani isthadi dui sori
- li dui monusillabi chi zi seivini
pa lu cunsensu e lu rifiutu -
abarìsthia aurradu chiss'afficu
chi a la muda, a volthi, si rimuni
la mimoria.
Ma abà mi restha soru l'insisthì
d'infadòsi prinéti i lu cori:
pienti, risa
parauri chena radìzi. Mi sentu
una veccia pianta chi, indibada,
lu ventu apréta a ischimuzà di frundi;
e i li rati ipogli, tésa
cumenti un gran zéru di tarrancuru,
oramai guasi cuncrusa
la vida.