POESIAS

Poesias,
paginas ingroghìdas
imprentadas a fogu
istèrrias de logu in logu
in oras e dis nodìdas
lassàdas aintr"e manus buidas.
Poesias suffrìdas.
Poesias,
31
curreras peri' bias,
cammineras froridas
de follas profumadas,
a tenta ispainadas
in s'arrastu chi su pei tuu hat lassau.
Poesias de coru accracangiàu.
Poesias,
pampas chen"e frarìas,
frius aintru 'e nottis di annungiu,
abbruxori de fogus de surrungiu
in s'adiosu de pantasimas bintas.
Trochill"e cadenas istrintas, arremaciàdas.
Poesias feri-feri, disisperadas.
Poesias,
animas, animas consumìas
de sentimentu e prantu,
fueddus de ispantu
chi abbruxant prus de fogu tentu,
axìu me in su bentu ...
Poesias di amargura e de turmentu.
Poesias,
tristas disarmonias,
poesias de ·sufferenzia,
poesias de passienzia,
poesias di amori mortu,
poesias de cunfortu
in abbrazzus piedosus di amiganzia.
Poesias po bivi, de isperanzia.
Poesias di amori, passionis
abetendi chi cumprant stagionis.