SU CAMINU 'E SU CORO

"Noli foras ire: in te ipsum redi;
in interiore homine habitat veritas".
E fintzas custu seculu avrinadu
in nues de fumu,
abboghinende iscradiat
in sos fundales grogos
de s'ultima mania.
In su caminu 'e su coro
non sonat s'impedradu .
e niunu apparat manos
o caras a rodone
a su fogu 'e sa veridade.
Sos annos sun fuidos
in seighi rios mannos
e-i sas pedras de sa limba
a surdos han frazadu.
Rena! Rena in totue!
Piuere 'e vi da
ch'in foras andat
in s'isfaghimentu.
Rena chene istiga
a car'a un'ue,
a unu cando
chi giagas non tenen
ne cresuras.
Fuit dognunu
da-e intr"e s'upa sua
e mai si frimmat
a isterrer s'animu
pro fagher a s'ateru
unu mamentu 'e umbra.