Premio OzieriPremio Ozieri di Letteratura Sarda 

Informazioni sull'opera

TESTO


SA ZINGAREDDA

Namus chi fit una 'e cuddas dies malas a cumprendere proite
s'istìu non pariat agabbadu e-i s'atunzu istentaiat a s'assimizare.
Non sentìo s'umidesa 'e su scirocco e nemmancu sos sulos friscos
de su ponente. S'aera quasi frimma fit lizera e jara
totu sos logos
pariana a reposu e in su cuntempus avviados a cambiamentu

prontos a s'ispinta 'e su nou e a su mezoru.
Guidende a pianu in s'istradone
suta duas filas de pinos
abbratzados in altu a fagher umbra e cuare su chelu
fintzas su
traffigu mi pariat acchietadu e-i su 'irde 'e s'erva atuddida la
faghiat de padronu in mesu 'e sas binzas binnennadas
cun sas
fozas de sa 'ide oramai ben'incaminadas a su grogu.
Nd'aia comente unu cumbidu a allentare s'antua e s'appretu

chi oe cundini sa vida 'e totus
e a sevare sa sabiesa 'e su criadu.
In cussos tempos
bennida sa chenapura sero
mi ch'andaia a
s'Alighera
a ch'essire dae sa roda 'e su trabagliu pro tres notes e
duas dies
a intrare in ateras e divescias realidades
gosendemi
una zitade torrada in atunzu a unu sonu 'e vida aggradidu posca
'e totu sos machines subiscados in totu s'istìu.
Gai
in cussu fine 'e chida ch'arrivei a su semafaru 'e Fertilia

a su solitu ruju e cun paritzos zingareddos lassados
tzotzos e
istratzulados
a pedire s'elemosina a sos guidadores in aisetu.
Mi si presenteit una pitzinnedda de chimbe o ses annos
nessi
gai mi pariat
bellita
cun ojos frazados e risulanos
bestida pro
modu 'e narrer e mugheddosa sia in manos che in bratzos e in
cara
tantu chi li neltzei:
-T'ap'a dare mesu euro si mi promitis de andare luego a ti
samunare. Si no b'has abba
anda a mare!
-Emmo
ti lu promito
mi neltzeit in bonu 'talianu e unu risitu
cumbinchente.
Appidu su 'inari torreit grasciosa e cuntenta in mesu a sos
suos
in altu sa manu cun su 'inari.
S'in crasa
mi fia samunende sa machina cun sa pompa 'e
s'abba in s'oru 'e su gancellu 'e su giardineddu 'e domo
cando
che 'idei sa zingaredda cun duos cumpanzos de s'edade sua
gioghende a cudd'ala 'e istrada. Fintzas issa m'ideit e non bi

ponzeit meda a s'acultziare sighida dae sos ateros duos. Mancu
unu saludu e bisteini tott'e tres mudos a m'abbaidare. Pariana chi
mi devian pedire o preguntare carchi cosa chi non deviat essere
'inari. Deo bi la sighei a isfrigatzare sos bidros cun sa pedde
modde e posca 'e una bell'iscuta issa si fateit corazu e mi neltzeit
a su solitu in bona 'talianu:
-Si nos prestades un'iscuta sa pompa 'e s'abba nos amus a
dare una rifriscada.
-Non est de una rifriscada ch'azis bisonzu a cantu paret
ma de
una bella samunada cun abba e sabone. Intrade a inintro e
cuddae
in s'ispigulu 'e sa domo
azis a aciapare sa doccia e-i su
sabone. Prestu
andade!
Andeini currende e abboghinende in limba issoro e deo los
sigheit cun s'oju.
-In cue
a manca b'est su sabone
aggiunghei.
Su tretu fit una vintina 'e metros e luego che los bidei in
mudandeddas sutta a s'abba ingiogazados e a boghes diverdidas.
Cando mi paffeit chi deviat bastare b'andei cun s'idea 'e lis
dare un abbammanu a s'asciutare
ma issos
cogliein sos
istratzigheddos chi los bestiana e
lestros e cuntentos che
cateddos iscapados
s'avviein mes'infustos nendemi ciau.
Sa dominiga sero daghi sas umbras s'allongana in bidea 'e
s'apotentare 'e sos logos
pasadu e sulenu
fia pessende a tottu
s'ite faghere 'e su lunis
a s'ora 'e machina de fagher cun su
traffigu 'e manzanu e de incumintzu 'e chida
cando sonein dae su
gancellu. M'accherei. Bi fit issa
sa zingaredda. Comente s'abizeit
chi fia 'eo
lasseit carchi cosa arrumbada a su gancellu e lestra
s'avvieit currende.
Pro nde cumprendere
andei a su gancellu e agatei sa cadrija

s'ispidu e-i su sulafogu chi tenia in su brajadolzu fraigadu fora 'e
domo.
Mi che los aian furados e non mi nde fia manc'abistu.
Che los torrei a postu e mi fatei unu giru in su corrale e in su
giardinu. No b'aiat ateru 'e furare e s'idet che deris sero a tardu

cando fia in giru e-i sa domo aia lassudu tancada
fin intrados
brinchende su muru
altu pagu pius de unu metro
e s'aian jitu
su ch'aian agatadu: cadrija
ispidu e sulafigu.

Si como sa zingaredda aiat remediadu
de zertu a furare fin
istados sos duos pitzinneddos chi fin bennidos a si rifriscare.
Torrei a su gancellu e a longu abbaidei sa carrela cun s'ispera
'e la 'idere e la jamare
ma non bi fit pius
fit torrada dae sos suos
e forsis como fit buschende puru carchi ciaffu!
Restei che cando unu cumintzat un'obera e bi la truncana in su
menzus naschere.
Non fit rantzigu
non fit dolu
non fit fele
non fit dispiaghere
su chi sentìa. Fia isfaltadu e intr'ammie mancaiat carchi cosa e no
ischìa ite.
S'istoria incumintzeit in-d'unu semaforu cun pagas peraulas e
mes'euro e bi la sigheit cun-d'una bella samumada. Ma posca
capiteit sa fura e
in su cunsegus
sa 'ennida 'e una pitzinnedda
istratzulada a mi torrare su meu
chena mi narrere su ch'aia
cherfidu intendere e deo chena li poder dare su cossolu ch'aia in
coro
a nd'aere gai su gustu 'e s'iscoberta in ojos suos de un'anima
'ona.
Issa
siscuredda
anzonedda innotzente
destinata dae sa vida
a no aere raighinas
cun sas carrelas a domo
cun sos mannos
suos a l'isfrutare
cun su 'enturu a su chi nde fit potidu 'ennere

torrendemi su male leadu m'aiat cherfidu narrere chi non est su
sabone chi samunat sa cuscescia e chi in donzi animu umanu si
poden agatare sos chi nois jamamus bonos sentimentos e balores
de sa vida.

SCHEDA DELL'OPERA
TitoloSA ZINGAREDDA
Sezione
AutoreEnzo Giordano
NomeC20030011
Anno2003 
Argomento 
Descrizione
Lingua 
EditorePremio Ozieri
ContributoreTecnoService
Tipo 
Formato 
FontePremio Ozieri
RelazioneConcorso Premio Ozieri 2003 
CoperturaItalia, Sardegna, Logudoro
DirittiComune di Ozieri - Premio Ozieri
Analisi del Testo
Torna all'inizio del contenuto