TESTO
Est già sa faladolza
de-i custa vida mia
chi sento istràcca, serena, furistera.
Sos annos si solvene che nie
a su carignu solianu.
Un'esistenzia fuidora,
senza frenu,
chi sa notte pissìghidi
a li ettàre su mantu;
luego est'iscuru,
un'iscuru frittu
pius frittu che mai
e no' baled chi aisètte
su sole manzanile
chi pius no' si poded'accerare.
SCHEDA DELL'OPERA
| Titolo | Sa faladolza |
| Sezione | Poesia Sarda Inedita |
| Autore | Franco Emanuel Solinas |
| Nome | |
| Anno | 1981 |
| Argomento | |
| Descrizione | |
| Lingua | |
| Editore | Premio Ozieri |
| Contributore | ATHENA SRL |
| Tipo | |
| Formato | |
| Fonte | Premio Ozieri |
| Relazione | Concorso Premio Ozieri 1980 |
| Copertura | Logudoro, Sardegna Italia |
| Diritti | Comune Ozieri, Premio Ozieri |
| Analisi del Testo |