" UTIERI E I SA FESTA DE SU RIMEDIU"

Utieri,t'inserran'in su coro
Collinas,ortos,binzas e giardinos
e dominas sos fertiles ferrinos
ch'has'in sos campos de su logudoro,
In su circu protteggis su tesoro
de sos tuos famosos magasinos;
Tancas chin baccas e boes razzinos
tenes ch'a los pagare no b'hai'oro.
Contru Diocesanu-Culla rara
de zent'illuetre de poetas mannos,
chi han de t'ingrandire fattu mediu:
No fit Cubeddu chi sa prima gara
organizzad'hat comosessant'annos
in onor' e sa festa' e su Rimediu?

E contin'avviada in su progressu
imitende s'estintu campione,
nd'has'abbellidu sa tradizione
e coronada chin nou succesu.
F'orsis sa chi has' in possessu
Ca la festizzas chin. divozione,
chi caridade e vera religione
custas grassias mamas t' hat cuncessu?
Isco c'ha larga manu distribuis
de sos produttos generosamente
a bisonzos'e operas pias
O popol'esemplare chi contruis
un'istrad'e progressu,riverente
m'inchino cando passo custas vias

RAIMONDO RECHERE
Bultei (Sassari)