TENES CORAZZU

E tenes corazzu
non piedade passizzera

cann'una manu istesa
ti pedit azzudu;
l'astringhes
la carignas

la basas l'apozzas a su coro
zocchittanne
cuntentu.

E intennes lamentu

chene paragula
solu

imboladu che arga
in muntonarju a chel'apertu.

Ascurtas
bies
t'incurbas

accapidas una criadura
c'hat ocros
impesus
ifustos de prantu.

Tue minore no has neche

s'has fattu nobe meses
de caminu
a s'iscuru.

Non podias ischire

chi mamas egoistas
t'aeren lassadu solu
a lemusinare affettu

suzzare a unu pettu
de caridade
anzenu.

E canno ses mannu
sa mama t'hat a chircare

e tue has a chircare
sas raichinas de su sambane

non prus bulluzzadu

ma ruju de pentimentu
chircanne perdonu.