Sa note longa

Sa note 'e su nuraghe
costoit su silentziu
de seculos passados.

Pantasimas de suferentzia
ghirant in sas abas de su riu

e s'intendet su piantu
e s'afannu de sas Panas

e su respiru 'e s'aba
cunfundet su pensare.

Su piantu 'e pizinneddos
faghet tremere sos Anghelos

custodes de sa vida.

Incertu fit su caminu

de sa note longa e chena paghe

de sos mannos nostros
e chena albeschida...