La RINASCITA noba.

No vogliu assè europeo

no vogliu assè americanu

vogliu vivi libaru
cumenti sogu abà: omu isolanu.
Omu di una terra antiga. di una terra suffeshta
Un di trishtezia e feshta
S'incontrani cu un'ucciada amiga.
Di una terra noba
abeshta a l'ashtra jenti

terra aipra e silenti chi a voshti sa buzià;
tanta passioni a tutti vo' dimushtrà.
Cun tanti giobani ishcuntenti

nobi emigranti

cun femmini a l'attaccu

cun omini
a voshti
assai cagliadi
chi no vedini la dì di lu rishcattu.
Lu poburu vo bé organizzadu!
Ca po'
ca ha bona vuruntai

debi pusà a cabaddu

guidazi verso la tranquillidai.
Vi n'è unu chi i li busciaccari
E i lu nomu è pienu d'oru

un omu chi no è soru

ashtri vi so cu'eddu a accumpagnallu

ashtri chi senza ishtrabaganzi
aggiudarani chishta Sardegna
a asse assai degna d'abbaidà adananzi.
Ve un omu chi vo da varori
A li noshtri tradizioni

a li noshtri tesori
a l'amori
di li femmini chi ancora rimunini

arribani pa l'ashtri lu cashdu
di la casa
di la famiria
di l'onori;
dà varori a l'omini di cori
a l'omini trabagliadori
chi si battini pa la propria terra

chi no azzettani la gherra
chi v'è in tanti paesi
in tanti campagni.
Ha un prugettu di fazi tutti cumpagni

tutti amighi ripittosi di la pazi
attinziunadi

a cushtudì l'ipiaggi e l'ishcuglieri

li frabighi
li rocchi
li piani e li minieri

l'aiburi
l'ebi
li terri e li curii
e
soprattuttu
lu trabagliu;
a no pishdì un poshtu mancu pa ibagliu.
Tutti ishcasdudi da un unicu sori

cu la binidizioni di noshtru Signori.


Gianfranco Melis nato a Sassari
il 16/02/1938
Res. In Sassari via F.Ciusa n°11
tel. 079/298176