Concorso a premio "CITTA' DI OZIERI"

Gosos in onore de N. S. de su Remediu
Patrona de Uthieri

De Su Remediu Matrona
Bos hana in Chelu acclamadu
E Uthieri gianadu
Bos hat de issa Patrona.

Cantos in cussa zittade
Han logradu naschirnentu
Semper de Bois han tentu
Cunfortos in dogni edade;
Pienos de umilidade
Bos han cantadu in corona.
E Uthieri ecc.

Bezzos, giovanos, pizzinnos,
Coivados, bagadias,
Cun devotas litanias
Bos rezitesin sos innos,
Rezzinde dulchos azzinnos
De Bois lughente in trona.
E Uthieri ecc.

A Bois cun lenu tonu
Totus si sunu invocados
E los hazis consolados
Faghindelis riccu donu
De singulare perdonu;
Dàndelis mirada ona.
E Uthieri ecc.

Senza duda totu tantos
Sos chin Uthieri bivimus
Firma sa fide tenimus
In Bois, ch'inter sos Santos,
Renedios usados tantos
Senza distingher persona.
E Uthieri ecc.

Santulussurgiu 4 Settembre 1956

Bachisio Asili