De dì in dì

Ogus no tenit
su coru chi portaus

battit e s'indi scarescit

dd'abbarrat sceti
su bisu 'e su regordu
contente fueddus pispisaus
e nudda de seguru.
Diis scolorias
ponint pressi
a destinus refudaus.
Muda est dogna memoria.
Surdu est dogna fueddu.
Zurpu est dogna intendi.
Sa zurpenzia muda e surda
strupiat is facis de sa vida.
Is sentimentus parint
desertus sidius.
S'adiosu no nascit in coru
ma benit de su tempus chi biveus.
Is amigus
is gopais
is avedalis

is tirriosus
is concalis

is traitoris
is sangiosus

a dasiu a dasiu
cambiant nos

de dì in di.

GIULIO SOLINAS (Quartucciu 09/10/1929)
Via Grecia 9-09045-Quartu S. Elena
T. 070.810529