Che pitzinna bissiosa

Cando sas lavras
ti sutzas
che crapicos de mele

surzis sos ocros

ma bido su sole
arbescher
luminosu

in sas pipiristras tuas
chi non connoschen su prantu

ma sa durchesa de sa vida

sa bellesa de s'amore

su disizu de sos sensos


Pro istintu ti moes

areste
che gatta in calore

a bortas ferotze

a bortas dilicada

che-i su dispretzu e-i s'stima.

Che pitzinna bissiosa
juches murritu a pipiolu
e fossitas in cara.
Ses risittu innotzente


ses malesa in su coro.
E surzis sos ocros
cando sas lavras
ti sutzas
che crapicos de mele



Larentu Pusceddu
Loc. S'Alapatu Cas. Post. Chiusa 105
08029 Siniscola (Nu)
Cell. 338/2815050
E-Mall - Questo indirizzo email è protetto dagli spambots. È necessario abilitare JavaScript per vederlo.