Su sacros brunzos sun tottu sonende
s'annunziu de sa festa de Maria
è die de giubiliu e allegria
pro chie à sa credenzia vivende.
AVE Mater REGINA sun cantende
in dogni altare in sa patria mia
Cantana innos de gloria tottue
ca Mama de Santas grassias ses tue

Maria invocada ses tottue
pro dare su remediu a sos males
si no fis tue tottu sos mortales
tian perire sutta a dogni nue
disastros gherra peste e temporales
cie lo frenada si non fisti Tue?
Tue vida no dasa forza e lughe
. Pro supportare in sas penas sa rughe

A Ottieri s'Isvizzera ibbia
chi la serada pro allevadores
es mama puru de beneffattores
amparu de povertade ed orfania
poetas raros e improvvisadores
ch'ana onoradu sa terra natia
sos donos de vertude e caridade
immortaladu à sa nostra Zittade

Fi don Franziscu mannu Ottieresu
su promotore de su saldu eroismu
sende iffruttados da sa feudalismu
s'opera sua su fogu ada azzebu
faghe movere Angioj su Bonesu.
contra su prepotente vandalismu
chi pro signale in sa sua dimora
sa fuscas in sa gianna sunu ancora