SEMPER IN CORO

Sardigna cara donosa
istimada isula mia

mi mancas! Terra nadia
pro me tantu preziosa.

Su 'eranu de sa vida
cun giovaniles isperas
e sa gioias pius veras
m'has dadu
terra nodida.

Mi curres in dogni vena

in su coro palpitante
suffro sa pena 'e s'amante
chi lassadu hat sa sirena.

Bido
che in bisione

montes e baddes e rios
e benin a ojos mios
lagrimas de passione.

Bido su mare lughente
cun su doradu arenile

sa zente alligr'e gentile
tottu mi 'enit a mente.

Amigos caros che prenda
de birde giovan'edade

cudda fraterna amistade
antiga nostra sienda.

Bido tancas de laore
e campuras fioridas

profumadas
coloridas

paret su regnu 'e s'amore!

Bido 'amas in pastura

ritrattu amenu de paghe

cun s'imponente nuraghe
posto subra s'altura.

Bido sas festas nostranas
fattas d'antigas usanzas

cantigos
sonos e danzas:
Sas modas sardas galanas.

A tie
isula amada

su coro tia mandare
pro mi poder saludare
sa sarda zente istimada!

PRIAMO ARCA
Emigrato. Nato ad Abbasanta il 25/07/1929.
Res. a: 10064 PINEROLO (TO)

in Via Carmagnola
37. Tel. 0121-321944.