Informazioni sull'opera
Bidda mia
In duna biddighedd' apo s'abìtu
Tota posta in paris e soliàna
A la bider solu ti benit gana
De restare pro sempr' in custu situ.
Sa zente est totta de bonu coro
Sos giovanos de bonos sentimentos
Pro cale siat trabagliu sunt cuntentos
Bastat de frimmar'in terra issoro.
Assàniu ant sos betzos e recrèu
In tott'e battor biccos de da bidda
Intanto intro de domo sa pobidda
ammanitzat s'ustare chentz' anneu.
In totùe sunt famados sos terrinos
Chi dant binu bonu e de valore
Lichitu e profummadu che licore
E binzas bene tentas che giardinos.
Donzi binzateri at sa chentina
Ue nipidos lughent che giojellos
Cubas de ogni taglia e carradellos
Ch'invitant s'istranzu a sa coighìna.
Sas olias s'isterrent che matronas
E lutzigant sas fozas chei sa prata
daghi s'olia lompet bene fatta
dat ozu chi no at paris in sa zonas.
Mai in perunu logu so segura
Pot'agatare pasu chi ap'inoghe
E sa bellesa tua cun bona boghe
Ap'a pintar' a dogni criadura.
Fiori Maria Gioconda
nata a Usini il 11-03-51 e ivi residente
in via Marconi n° 70
CAP 07049- tei 078-380004
Titolo | BIDDA MIA |
Sezione | |
Autore | Maria Gioconda Fiori |
Nome | B20050023 |
Anno | 2005 |
Argomento | |
Descrizione | |
Lingua | |
Editore | Premio Ozieri |
Contributore | TecnoService |
Tipo | |
Formato | |
Fonte | Premio Ozieri |
Relazione | Concorso Premio Ozieri 2005 |
Copertura | Italia, Sardegna, Logudoro |
Diritti | Comune di Ozieri - Premio Ozieri |
Analisi del Testo |