A su rusignolu

Rusignolu,
Insuperabile cantore
Tue solu
A su meu dolore
Paghe dasa .
Cand'in sa cheriana
Durchemente
Cantas, e...non hasa
Nota dolente.
S' armonia de su cantu
Su piantu
Mi calmat, e' su coro!

Isparaghelu de Barbagia


Nadale

Anghelos bellos, cantade
Su grand'avveniment'annunziende:
A sos mortales nade
Chi s'attesu Messia est sorridende
A sa mamm'istimada
Ch'in d'una povera grutt'est allozzada!

Anghelos bellos, cantende
Pagh'interr'a sa zent'annunziades
sas trumbas sonende
Sos poveros mortales ischidades
Iamendelos a adorare
A Gesus ch'est falad'a nos salvare.

O anghelos,guidade
A s'istalla, de Bettlem, luminosa
Cuddos ch'in povertade
Trascurren sa vid'angosciosa.
E bois in sa janna
O pastore cantade: " Osanna, Osanna!

In custa di' e Nadale
O Gesus, amabilissimu, invocamus
perdonu generale
Protottus sos peccadores chiistamus
In custu mund'isettende
Sa parca chi sas vidas andat messende.

Isparaghelu de Barbagia


Ave Maria.

Ave Maria! Cantan sas campanas
In su campanile de su viddizzolu.

Ave Maria! ripetin sas zovanas
Intentas a goddire pappanzolu.

A su sonu si signat su pastore,
A su sonu si signat su massaiu.

Pro tottus est signale de amore
Cussu, de sas campanas, sonu gaiu.

Ave Maria! Mamna piedosa,
T'invocamus in donzi circustanzia

In custa vida nostra dolorosa
De solu confortu est s'isperanzia.