E T'INTENDEMU ARRIBAI

Intre is istellas appenas scidas
e affacciadas in su molu
curriant
pidanciulendi
is bisus di una notti.
Notti de milli stellas a Genova
e de lugori pintau
in d'unu mari pixidu
e fundudu
comente su tempus chi passat
e chi no torrat mai a incuadas.
E t'intendemu arribai
in coa de un'unda
bianca che vela di alabastru,
o forsis, chini scit ...
a s'imperriad' 'e unu siddu marinu
chi danzada intre celu e mari
po imbrusciài su scuriu.
Fiasta tui terra incantada
chi t'arrimasta in s'orizzonti
tot'allichidia de prendas di olioni
arrubiastas che coraddu
e de follas impratiadas de cadilloni
chi zumiànta in su bentu 'e soli
sonus arcanus
e boxis allirgas
boddias in playas smeraldinas.
Fiasta tui Sardigna stimada
chi ti sezziasta in su molu
accanta mia
in is nottis de lugori
de un'ateru istadi giai giai acabau.
Torra un'atera notti,
torra ancòra ...
innantis ca s'indi studit
s'urtima stella
siddada
in manu mia.