A SA B.V. DE SU RIMEDIU

Salve,salve o Santiessima MARIA
dulche est su nomen, e no este a nou
chi sonat in sas laras poesia.

Bastat pensare a Cristos,Fizus Tou,
chi redimidu hat s'umanidade
cun inumanu sagrificiu sou.

Nomen pienu de suavidade
ca inue b'hat disgrascia e b'hat tediu
chl no invochet a Tie est raridade.

Ses miraculosa e faghes mediu
de acansare sa pregadoria
fatta a Tie,"Santissima ' e Rimediu".

Ses faru ch'illuminat sa via
a su poveru errante Pellegrina,
cunfortu ses pro tottuo ' e sa ghia

in su longu e duru,aspru camminu.
OZIERI ses troppu fortunadu
ca cussa Santa cunservas in sinu

e l'has cun devozione preparadu
festa solenne! Issa est fra sas tantas
sa pius c'happat grascias acansadu.

MAMA DIVINA— REINA 'e sas SANTAS
CA RISPLENDET IN CHELU CHE ISTELLA
e cun Issa s'oscurant tottucantas

FRA SAS MAMAS TERRENAS SA PLUS BELLA!

10 Settenbre 1956
Salvatore Contini

Indirizzo: Salvatore Contini— 1°Applicato
del Comune di BORORE.