Eu nò sabìa
chi v'è un logu in Sardhigna
undì genti nusthrari,
assai più acuta di lu maesthrari,
si z'à imburadu la bozi di la frina
fendira muidà,
ischunta e cina, in una canna,
cumenti U? tipiri a cuncordhu.
I la terra di l'isciareu
l'istheppa mara à trugliuradu puru
la puifidia di l'althru ventu,
p'abenni tinnu di contra,
e zi l'à intradu a cuncurdhanzia
drent'a un'althra canna;
e candu s'è ammintada di lu tempu
n'à truncadu i lu riu
ancora una più manna:
e l'à dadu la bozi di l'ausentu:
la bozi chi n'azza da lu cori
daboi chi à cunniscidu lu tuimentu.
E in chissa terra,
chi la tradizioni
nò v6 chi sia piena di passoni
fatti d'ossi e di carri
cument'e noi di lu cabu di sobra,
anda lu sunadori,
truppiendisi li barri,
cu li didi chi buttani sudori
innant'a li trubedduri d'amori.
E s'intendi lu saori di lu vinu.
E cumprendi l'impurthanzia di lu trigu,
di lu sori, di la luna di lu linu.
Drent'a la cascetta ad aimagoddu
v'è un imborigu di ventu affatturadu:
lu ventu chi buffa candu baddi,
iscidu da tre canni isthavunadi.
Ahi canta pena: zocchi di mari
a l'infundissi e a l'asciuttassi di la rena!
Ma si t'affriggi chisthu sintimentu
ciamba li canni, pà vulthurà lu ventu.