Cand'araggi'a pudé
m'aggi'a lagà
daret'a li me' spaddi
lu fummu di chisti ciminei,
lu piuaru di chisti carreri,
e chisti casi grigi troppu manni,
li rumori chi sciutani li molti
. .. e la ruggini chi frazza dungia cori.
Chizi, è veru,
m'aggiu liccatu li fìriti
e lacrimi saliti
aggiu 'ngudditu,
sangiuzzendi a la sola.
Chizi, è veru,
. .
aggm puru nsu
e meda aggiu gudutu.
Ma no, nudda mi lagu,
e no, nudda mi teni.
Candu sarà la dì di la paltenza
no' mi 'oltu indaretu.
Tu, intantu, tarra mea dunosa,
pripparami una culla modda modda
di rena bianca in l'azza di lu mari,
e un lettu di frasca odorosa
in la tanca fiurita ...
Già mi pari d'essé tra li to' brazzi
sighendi sutt'a un' alburu di chelcu

lu bolu di li ceddi in la friscura
e, in gara cu lu riu,
chi brinca monti e rammi in alligria,
lu cantu in re a ghiterra,
cantu d'amori lamintosu,
chi pianu pianu si ni mori
insemb'a lu soli, in una neula ruia.