lstranzu in terra anzena
b'as finidu sos ossos
e lassadu sas pulpas
prenda mia,
lassende a mie sola
a tentare falches e frullanas.
E corno, t'han battidu
istranzu in terra tua
a messare fiores de luttu,
lassende a mie sola
s'ultimu fruttu tou a tentare.
Ma isposas che a mie
non p i ~ n g h e n de dolore,
ca sas 1speras
non no lassan mancu
in momentu 'e morte.
Arribamus sas lagrimas
a tempus de siccagna
cando su trigu e-i s'orzu
'nd'ana bisonzu.
E tando,
amus a bider sos fruttos
de sas intragnas nostras,
chertende cun su tempus
in mesu 'e campos de laore,
cun falches in manu
e mannujos de oro,
frobbendesi
cun manos bruttas de terra,
ma de terra issoro,
su suore.