Custos no ' sunu tempos vorzis pius
de istare affinicande sa paragulas
e de isperrare cada pessamentu.
Su tempus chi nos paria' chi non b'inia',
su conzinu chi atthappula' su mundu ,
oje non iscude' guttias d' ocu ,
urdos d'assuconu, e nos apprettata.
Semus forzis arr ibaos a sa janna
chi intrat a su dominariu 'e sa pagura,
in uve es' coraggiu a esser omine,
ca sos omines sunu marcaos a mortu,
ed es' pius bellu a s'incrunare pro non biere
e chircare vioreddos i' s'ervedda,
isperande chi su bangadore no' nde jumpete.
Pro mene però, non bi las chergio,
medas o pacas chi siana,
dies regaladas. No' mi mascana
sos vuccones chi sa pagura m'abbenenat,
accappidaos i' sa grassa, pastu 'e aranas .
Ego chergio sa luche larga 'e sa campagna
chi abbiva' sas occiadas artas,
e paragulas sicuras, amicos francos
e garrelas liberas,
o a non b'essere.