Prima, cando navo
sa zente mea,
cherio narrer solu
sos sardos che a mie.
Prima, cando navo
sa terra mea,
cherio narrer solu
sa Sardigna.
E solu a sa Sardigna
credio chi appartenian
sa povertade
e su dolore.
Oje, in pacas oras solu,
app'imparau pius
che in d'una vida.
Semus in chimbe
in intro e sa baracca
e una limba diversa
chistionat cadaunu.
Ma cando
nos amus divisu sa chena,
e paris amus secau
unu pane sardu,
attu dae marna,
non b'hat appiu
bisonzu e paragulas
pro cumprender
chi peri cussos
fin zente mea.
E cumpresu appo puru
chi in tottu su mundu,
no in Sardigna solu,
b'at zente chi at bisonzu
de pane,
de giustiscia
e de amore.