Sonai launeddas, sonai!
Nott'esta no mi andada de dromf,
annus e annus
funtis passaus
in terra alena,
cichendi caras amigas
ma sou, sou, sempri sou,
cun is arregodus chi no mi lassanta.
Tottu est cittiu,
de sa ventana abeta
nott'esta intrada su lugori:
no seu sognendi,
a pitzus de su pobatziu,
cumment'e impresonada,
si bidi sa luna,
ata in su xeu.
Tottindua una melodia sunfrida
antiga che sa notti, '
mi torrada a conca ...
sparescinti is murus de custa presoni,
torru pittiu,
currendi in pranu mannu,
scrutzu,
cun su entu estu, amigu miu,
chi mi sighidi appabas ...
Sonai launeddas, sonai!
Baxi cun su entu
e bitteimi sa boxi,
mai ascutada,
de is fillus de Sardigna.
Bitteimi is penas de custa terra
chi is'u strangius anti spollau
che pirastu in mes'e idas,
lassendi miseria e ... promissas!
Donai suidu ziu Efis,
no si frimeis!
Fadeimi intendi ca sa notti longa est passendi
ca sa nebida megad'e scumparri
asuta 'e is arraius de su sobi
a pitzus 'e is nuraxis de pranu mannu.