Nos hana nadu tando
- Nois hamus a fagher
de custa terra antiga
unu bellu giardinu in mesu mare -.
E bidiamus già:
carignos de arvadas in campedas
e tulas respirende faccia a chelu;
masones senza contu
e mares de laores tottu spie,
e amore, amore e paghe
passizzende a manu tenta,
ma subratottu tribagliu
suore e tribagliu
chi attarzaian sa carena.
E nois faghiamus sas pettorras mannas
pro buffare a suzzadas aria noa.
Gai cominzeit s'isettare
in mamas bestidas de piantu,
in omines bestidos de turmentu,
in fizittos cun muccu a fala e piga.
Ite vanu isettare!
Sos trighinzos de fumu
sun tumbas corno...
mserran sas prom1ssas
e in sas mudas campedas
regnat incoronadu s'ardu reu.

E crasa?
Crasa a sa pesada 'e sa die,
da daesegus de sos campaniles,
sa terra aberimus cun sas francas
bi piantamus sas benas de su coro
chi brotten libertade.
Tet esser gustu tando su suffrire,
unu giogu s'isettu,
unu carignu sa morte.
E amus a pasare sa carena
sutt'un'ozastru mannu
chi totta notte continu
innamorat cun sa luna.