Dae sa die ch'in log'anzenu
sò fuid'a malincore,
imballadu chei su fenu,
senza risu né colore;
abbrazzad'a su destinu,
mastighende liccarissu;
de torrare a su caminu
cun su pensamentu fissu.
Dae sa die sò rigiradu
notte e die, deves ischire.
Pens'a su ch'appo lassadu,
a su tempus de godire ...
Pro sollievu a sas penas
chirco de mi traviare
andende in domos anzenas
cun custa o cudda comare.
Ma ite cherzo chircare?
Chi torro pius tribuladu
senza pagh'agatare,
solu che iscantiadu.
Ma tue no n'apas dolu;
ispettami solamente ...
e in brazos mios a bolu
benimi cun sa mente.