Gridos sardos in gherra:
- Forza Paris! -
Soldados de attalzu
cun ferru frittu in manos
fattu a capitanos coraggiosos
- Forza Paris ! -
e bessiana a s'assaltu ...
Gridos pro dare forza a sos amigos
urulos pro assucconare s'inimigu,
chi los creiat - Demonios de s'Inferru -
Giovanos cun pilu intro su coro
a riva e' su Piave aggiolottadu,
inue abba cun sambene curriat
e muribundos, mortos e feridos,
s'austriacu ha firmadu cumbattende:
- Forza Paris, piccioccos, Forza Paris! -
Fiores de carre lassende in sas ispinas
de filu ferru de sos reticulados,
abberian s'istrada a s'avanzada
signendela cun lacrimas e feridas ...
Mih, su Piave, s'Isonzo, Monte Sei Busi e Brenta,
?u Carsu aradu de I?inas e granadas,
mue sa morte canta1ada cuntenta
ballende in su masellu de cristianos .. .
«Trincea dei Razzi», «Delle Frasche» ... Sa mitraglia .. .
Leppas in bucca e bombas in sas manos:
- Forza Paris, Sardigna! Forza Paris! -
Battoro medaglias d'oro a su valore
mai dadas a reggimentos d'una terra,
«Sa Tattari Sarda»
in sas banderas leadas l'hana in gherra.
Nues in chelu, ludu a cabidale,
dies de ierru, nottes de suore,
tottu han supportadu pro amore
de s'Italia in perigulu e turmentu.
Sardos «cun pilu in coro» sun torrados
e cun lagrimas in s'anima ferida:
piantu de mamas, orfanos, battìas,
e piantu de amigos a sas feridas . ..
Coraggiu, frades, sa paghe, oe, est gherra,
in sa Sardigna nostra turmentada ...
A la cherimus cust'Isola famosa?
- Forza Paris, piccioccos, Forza Paris!