Sole de sa vida mia!
ite pro te no dia faghere,
cando su risu tou
iscrarit sa notte?
Da-e sas laras ti pendo
daghi naras;
intro. sos ogros tuos m'ido
s1 m1ras;
non b'hat sonu bellu e durche
chi mi carinnet su coro
che i sa oghe chi tenes.
Cando chin passu siguru
mi nd'enis e m'abbrazzas
onesta· e pura,
torro pizzinnu e bonu
cale ses tue,
fiore friscu chi profumas,
abba limpia chi t'offeris
a tantu sidis de amore
e benigo su chelu e-i sa terra
e, a tie adoro,
pro chi sa zoventude mi regalas!