A OTHIERI

In brazzos de un'eterna maestade
s''agatat Othieri virtuosa
in Logudoro da' s'antighidade.

De Sardigna s'istella luminosa
chí dae cuss'altura 'e monte acutu
bottas lughe isplendente o d'ogni cosa.

Othieri su primu contributu
as regaladu u sas pubblicas garas
de su grande Cubeddu dignu frutu.

Cantu Uthieri operas e naras
est tottu nobilesa o poesia
chl sincera fiorit in sas laras.

Chie che tuo in s'lsula mia?
In s'industria armettizia fama tentu
procurende ricchesa e vigoria?

Gelosa de tancas, de s'armentu
chi premiadu, abbundante posssedis
portadore do su grande alimentu.

Cantu consumas tue e cantu ispedis
tentu a campione ca eccellente
buttiru e latte chi pesas e medis,

manipuladu das cussa zente
onesta, gioventude cara e bella
comente puru s'edade cadente,

vigile e costante sentinoella
pro su progressu de sa vida umana
testamentu e s'antiga parentella.

Reina e Remediu Soberana,
protege custa zente giusta e bona
decorosa 'e cussenzia cristiana.

Dae su chelu, o nobile Matrona,
ampara d'ogni sassu e d'ogni edade
A Othieri poetica e padrona

In brazzos de un'eterna maestade.

( Bachisio Antonio Mameli )

Portovesme li 26708/957