PAZI
Candu
i’ l’inverru lu zeru
truva nui minazzosi
e l’eba
i’ li veddri
di lu baschoni
pinta burinadduri
e bisgiurà di babaràtturi
isthracchi,
lu cori meu
s'ingarinèggia
e sogna pazi.
Pazi pa’ l'ànimi
di ca no v’è più,
pazi pa' ca
s’è pessu
e no lu sa,
pazi pa’ ca
s’è cunsumiddu di làgrimi
e piegni fendi
lagrimà lu cori,
pazi pa’ chisthu
mondu fazzu
chi no sa più
cos’è l’amori.
Pazi pa’
la me’ ànima inchieta
chi no sa agatà
abitu a li so’ pinsamenti
ruddurani, ma ancora
in un fiori chi nasci
vedi l’ipera d’un asthru dumani.