COME STRAGNI

Abà in chissi lochi
d'un tempu
turreti,
in chissi carreri
assuliati
da lu statiali ,
und'a sirint ina
gjucaani li steddi
sileni
pa no sciutà li manni,
ciavanendi come muti,
e li gjatti
s'acchjaraani
all'agnata
e si ritraini
spinosi.
Abà come stragni
v'accoddi
la strinta
cu li so occhj
di balconi
e li so bucchi
di ziraniu.
Pruzzidditi
a unu a unu
mulmurendi
ammenti d'una 'olta
e nisciunu s'affacca
pa chjamavvi .