Informazioni sull'opera
TESTO
E DUNCAS ...
Cunza a su coro
sas bertigas abosas, eternas
sas gangulas finamentra pasadas
e torra peri sas cuccas, bariga
carrelas de iscaccu, 'ue
fina sos coros 'istana
che pedra a pes de s'omine .
Ogni frina t'est una 'oghe:
s'istripidu presu 'e su caddu
su passu bàsalu 'e su 'ezzu
liadu a s'umbra 'e sas domos
inserradas dae porrales de sole.
Assora, t'amus a bider
banduleri
in s'umbra tua matessi
palpuzende chesuras brujadas
cuada in chejas de marmaru
seberende cussos comente a tie
lughentes de brunzu in su sinu.
E duncas tando
sa terra 'enosa respirat
e pius surdu creschet fiamore.
SCHEDA DELL'OPERA
Titolo | E duncas... |
Sezione | Poesia |
Autore | Giovanni Elies |
Nome | |
Anno | 1993 |
Argomento | |
Descrizione | |
Lingua | |
Editore | Premio Ozieri |
Contributore | ATHENA SRL |
Tipo | |
Formato | |
Fonte | Premio Ozieri |
Relazione | Concorso Premio Ozieri 1993 |
Copertura | Logudoro, Sardegna Italia |
Diritti | Comune Ozieri, Premio Ozieri |
Analisi del Testo |