IN MORTHI DI UN PITTORI
(Ernesto Ceccarelli)

Mi soggu pessu
i l'ulthimu logu
di l'ipiranzi
in fondu
a l'anguru ciegu.
M'intendu addururaddu
tra mini
di un mondu marandaddu .
M'intendu aggranfaddu
da bozi marigni
chi quasi no cumprendu.
Trimureggiani li fogli
trimureggia la bozi mea
i l'ori di li dì.
Oh! Ernesto
li cani, li casi, li campi,
li fiori di milli curori
no fazi più .
E' faraddu lu buggiu
è morthu un pittori
abbandunendi tuttu
e tutti
in un caminu
senza fini.