Informazioni sull'opera
TESTO
ATONZU
In palas de monte
s'isteddu andatanu 'e sa sorte
s'est parau custa notte .
Arvadas de 'ogu
su mudine 'e sa terra han truncau
chin surcos d'isporu
inue fruttos crompios
s'ispozan de s'oro 'e s'istade.
Su voe muriache
irfattu
brenugos in terra
amustrat su vrore de tanda
in gattile pintau
da 'istoccu puntzudu 'e peleas.
Gorgozat su trainu 'e coraddu ...
Sa terra
indolente cannibale mamma
tracheddat chin sannas de preda
sa carre 'atta bisu
ingraidandesi torra
de lantias de sole
chi an colores de carre e de bisu.
S'alinu 'e su sero
chin sazos d'amentos mi punghet
ispinniande sos tuddos canudos;
A car'arta
irvetto
mirande su lampu 'e su tempus
chi ballat in risidas attas
antigas promintas fuinde.
E m'est su 'entu carignu ...
SCHEDA DELL'OPERA
Titolo | Atonzu |
Sezione | Poesia |
Autore | Gonario Carta Brocca |
Nome | |
Anno | 1993 |
Argomento | |
Descrizione | |
Lingua | |
Editore | Premio Ozieri |
Contributore | ATHENA SRL |
Tipo | |
Formato | |
Fonte | Premio Ozieri |
Relazione | Concorso Premio Ozieri 1993 |
Copertura | Logudoro, Sardegna Italia |
Diritti | Comune Ozieri, Premio Ozieri |
Analisi del Testo |