Informazioni sull'opera

TESTO


BAE . .. E COMPORAMI. ..
Appo timoria de intrare
in cudda domo
inue ses morta!
It' annèu chi m'at dadu su marturiu tou!
Mi paret, in custa domo
de intender sa oghe tua ...
Si ses freada no lu fattas s'isterzu!
Bi cheret manuza in sas cosas!
A mie m'at bennidu irrocu!
Bae e compara su latte. Coìta a torrare!
Sa salia 'etto!
Addaghi andas a su duttore, accurziadi a sa butecaria!
Ap'appidu fizos de bonu a cumandare! Grascias a Deus!
Prontu est s'ustu? - Dae logu! Tue ses punt' 'e mortu!
It'annèu chi m'est dende su martiriu!
O una die o s'attera già bos do logu!
Bustianu e Larentu sun torrados a su essu!
Oe ti torro! Sun accanta a si la dare!
Tommaseddu mi paret pius sabiu de Juanne.
Mancu a nde mentovare! Già sunu a si la dare
tottos duos! Dai cando lis est mancadu
su babbu in cussa domo sun a pedire!
... gasighì ...
O Segnare non ponzedas fattu a sos peccados nostros!
Fiza mia, pone fattu a sos bonos!
A maridu meu lu servo a pessamentu!

SCHEDA DELL'OPERA
TitoloBae... e comporami...
SezionePoesia
AutoreAntonia Tetta Becciu
Nome 
Anno1993
Argomento 
Descrizione 
Lingua 
EditorePremio Ozieri
ContributoreATHENA SRL
Tipo 
Formato 
FontePremio Ozieri
RelazioneConcorso Premio Ozieri 1993
CoperturaLogudoro, Sardegna Italia
DirittiComune Ozieri, Premio Ozieri
Analisi del Testo