POITA SU PRUINI

Amigu, amigu e fradi spantau,
est inutili chi circhis
oprigu o fortuna
in palas de su pruini...
poita su pruini
de candu mundu est mundu
hat sempri imbruttau.
De sempri hat bestiu
is cosas iscarescias
e cussas chi no serbint prus.
Su pruini bollat scetti
chi ddi ponidi alas su bentu.
Su bentu chi scentalliat togas
e frassas banderas
in is fitianus interrus.
Nou! No podit durai prus
custu beffianu carnevali!
Èst accanta sa dì, sa dì santa
chi su sulidu de is inzerrius
at a formai unu cicloni,
chi apustis de nd'ai maramundau
truffadoris e ladronis,
hat a bentullai a is mulinus de lampus
su cinixu de is assassinus.