A FACCI MANNA


In cust'epoca de ballus e cantus
e de sperditziu prus che miliardariu
is buginus s'ammascherant de santus
e is Giustus s'avviant a su Calvariu.


Furas
inginnus
truccus e incantus
a ispantu
ogna dì de su lunariu
ddus trassant cautelosus...cun is guantu
personaggius de ingeniu straordinariu.


Biadu chin'incontrat s'Onestadi
de chi dd'hant avvilia
screditada
e scacciada che bestia cun s'arrungia!


Prusprest'in su boddeu de sa bregungia
medas de cuddus chi dd'hant oltraggiada
girant a facci manna in libertadi.


LUCIANA MUSCAS ARESU (27-8-1929 )

VIA V. SULIS 23 - 09124 CAGLIARI

TEL. 070/ 655966