E PENSO A CANDO

Sa terra s'est serrende
pro a mie
e abbaido da-e sutta de-a issa
sas baddes mias de sa Sardigna
pensende a cando, minore,
curria chena oriolos
gioghende in mesu s'erva
alta e fiorida.
Zente chi happo amadu e amo
aggiuademi a bessire fora
da-e custu interru primadiu
ca non poto lassare
salughe
chi m'hat donadu
dies de cuntentesa chena fine
e dies de anneu a rios.
E penso a cando
sas musicas de sos omines mannos
m'han ninnadu su coro
in nottes de lugore ,
a cando sas alvures
m'han ghiadu a cumprendere
sa forza de sa natura,
a cando sas pinturas mias
han coloridu s'apposentu meu
de chelos lontanos
e a cando so fuidu
chirchende sa paghe
de s'anima
bramosa de connoscher
sa vida.
E corno so truvadu
da-e su tempus de oe:
a vintises annos
mi parzo unu 'ezzu
chi abbaidat su mundu
cun ojos istraccos.