A BAINZU TRUDDAIU

In un'iscatuledda'e carta pista
Po sas memorias mias riservada
Varios chilos de cart'ammassada
Appo de prosa e poesia mista.-

De battor' o chimb'annos sa rivista
De S'ISCHIGLIA (ormai tramontada)
Cumpleta sa raccolta,destinada
Forzis'a una vine umil' e trista.•

No ha'valore e dae tant'in tantu
Mi gustad'i l'aperre e carchi orta
F ai vache'nud'in gula su piantu.-

Bid'a bint'annos sa vida risorta,
Ma che da'muros de su campusantu
Non pode pius torrare a mie:es morta.-


De rechente'a distanza'e carchi die
Vantasticande in sa vana chimera
Mi paria in piena primavera
Collinde vrores d'imbiare a tie.-

Ma pensande una dedica da iscrie'
D'unire in nastru o busta messaggera
Torra'sa realtade pura e vera
E a postu de cosas bido nie.-

Non isperes pius Bainzu amadu
Cosas de judu(1) da' s'amicu tou
Chi s'attonzu ha'raggiuntu e superadu.-

Su libru 'e sa vida a Tempu'sou
Chere'lettu: Capitolu passadu
Non si pode'rilezze'dae nou.-

BARISONE

(1) valore.


A SA CARA MEMORIA DE
ANGELINA CANSELLA

Sent'a coro sa perdida in vigore
D'un'avvenente creatura belle
Angela vi'de lumene e modella
De visu,pessonaggiu e de amore.-

Lastima intendo narre chin dolore
Da'ognunu; chi po issa da'favella
Tempus dae mente su dolu cancella
E i sa tumba ache'naschire vrore.-

Mudala (1) cussa terra preziosa
Chi rachiude'sa salma adorada
De gravellu,zarminu,lizzu e rosa.-

Sa bell'anima certu es coronada
Da'omonimas suas ca dizzosa
Pura tra issas a chel'er: volada.-


E tua preca,mamma addolorida
A su Signore chi ti de' talentu
De dominare su tristu lamentu
Chi coro e mente tened'opprimida.-

Non ti convinca'sa lacrima infida
Chi cresche',non solleva'patimentu
Unu sacru dovere,unu cuntentu
Has de lograre e compiere in sa vida.-

Tenera prole t'ide'pianghende
Po sa perdida vizza e coro a coro
Si comunicad'e biv'suffrende.-

Sorride a cussu teneru tesoro
Pensa chi solu a t'ide'sorridende
Er brassamu,salude e ghia issoro.-

BARISONE

(1) adornala.


A COMPARE TATANU LAI

Una musca mi enid'a su nasu
E perdo tempus a mila cazzare
Tantu torra'deretta,no'ha'pasu
Ne menzu'locu inue si posare
A sa coa (1),sa manu ettà a casu
La zappada e decido a l'isalare
Las tiro e ndeli restad'una sola
E l'imbol'a dispettu nendeli:ola.

E" ridicul'a ponner'a cunfrontu
Chin nois'una musca noiosa
Ma torrad'utile a su nostru contu
Po rende una resone luminosa
Che a sa musca m'hais fatt'affrontu
Secandeminche s'ala ispassiosa
Cedendemi a cantare in allegria
Supr'a su luttu de sa idda mia.-

Su luttu no'e'sol'in bidda nostra
Su sentimentu no e'sol'in bois
In dogni locu b'e'sa rima ostra
D'intende prantu,lamentos e ois
Si nosinde mandanus in sa pesta
E'lezze torta chi hachimu'nois
Dognia idda ha de ois sa provista
Dagni pessone in coro ha'parte trista.-

Orfaneddos e bezzos ' e gattias
Forman'oje sa phopolazione
Prantu,luttu,lamentos,angustias
Ha'sa mirada de dogni pessone
Penas chi dae me non son fuias
Antis potentes'in su coro sone
Ma s ' azzungo lamentu a su lamentu
Es'che azzunghe linna a focu

Amicos caros sa gherra m'ha'mortu
E moribundos 'nd'apo jutt'a pala
Atteros mi pediana cunfortu
Chin boches de lamentu a donni'ala
Si e los pranghe'mi ipi resertu
Aio 'attu un'azione mala
D'omine vile ca si mi muttiana
Est azzudue non prantu chi cheriana.-

BARISONE

(1) alla fine.