'ECCHJU CAMINU


Caminareddhu anticu
t'aggju in cori
cumenti l'anni dulci e sbarazzini

in puppujoni
era
chiss'amori

sbucciatu
ali'impruisu...


Tu eri l'alligria
lu paradisu
più beddhu e pruffumatu.


D'aresti fiorarèddhi
trapuntata
era la manta toia
e canterini
li ceddhi incantatori
miludiosi.


Da alburi di prata
almuniosi

alcani sirinati
sighiani lu 'entu


...e impruisu
torra

un dulci ammentu
di longhi passiggjati a manu-a manu...
Erami steddhi
chi l'anni
appian appianu
àni tragghjatu allonga

in alti lochi...


Pinsendi a chissi dì
t'aggju cilcatu
caminareddhu di lu prim'amori

ma suttarratu
insembi a gjochi e fiorij
pal sempri
eri tu!...
'ecchju caminu
di la mè ciuintù.



GIUSEPPINA SCHIRRU 19.03.40 (La Maddalena)
via Coghinas
6
07100 SASSARI
T. 079/242247