CRAS ...

In dies de neula
non s'iden sas isperanzias nostras
e-i sos cabos de s'az.zòla
non si chircana.
Curre , pizzinnedda,
curre e ·cresche
pro non bider custa neula;
curre a creschere
pro non connoscher
alienos mundos
inue sos omines
chircan piagheres
chi non poden gosare.

Gioga pizzinnedda
cun sonos de chiterra,
gioga cun s'aera,
cun cantos de puzones,
ma curre, curre a creschere
pro non bider fìnas tue
muros de Berlino
pro non connoschere
piattas Tien An Men
e pro non mirare
chelos luados
chi sa natura nos offerit.

Ma tue gioga, curre, curre
in tancas lentoradas
e che bolu 'e rondine liera
bae e fue,
fue inue sa idriga natura
non ch'at postu sas francas
pro nde ogare carres bias.

TI semus isfattende sas lacanas,
carralzende sas istigas eredadas
dae su falsu gosu 'e sos mazores.

In dies de neula,
o pizzinnedda, non s'iden
sas isperanzias nostras
e-i sos cabos de s'azzòla non si chircana
pro vivere cras...