A-Z COMEMTE AZUDU

Azudami ca t'azudo
a che pesare
Bisonzu ingroghidu
peleadu de
Cussizzos male dados dae
Deputados
oje a manca

crasa a destra
ma
Elegantes
chin pannos colobrinos

Famidos de cradeas de soddu

Galanos de coro e promissas boidas.
Hamus bisonzu de tranquillidade
no
Imbrollados dae pedulianos telebisibos

de donare un'istiza de pensione istassida

Lomper'a cazzare gana e sanare
isancados chin busiles a istampella
chin
Monedas iscadidas pro achere ospidales
Nobos. E ateras bombas Americanas

no intellizentes
a uchider'ateros innozentes
Operas de bonu, non frores
nariat unu
Prideru de Missiones de miseria.
Cissu ruju
biancu
nigheddu est morinne

recatu de muscas
a man'istesa pedinne
Romassizzas de bunnanzia."
Soledade
li dono unu bucon'e pane
Tostu
a zente irdentada pili cana
e
Unu carignu supra sa carre lanza
e
Vasos supra feridas de s'ipocrisia
a
Zobanas chen'edade
d'eris e de oje.