M'ammèntu ancora chi, pizzìnni,
zi pusthàba pa l'utturini di campagna
chi a ùnu a ùnu cunniscia 
Àlthru nùdda s'intindìa
chi la bòzì di l'àiburi e una funtàna
Fàtt'a iddu sènza fabiddà
m'è intràda i lu sàngu
chissa canzòni sanza paràuri
ch'abia, pizzìnni, la campàgna
Àlthru nùdda s'intindìa
chi la bòzi di l'àiburi e una funtàna
Zi fimmàbami e m'intindìa lu cori e lu ripìru
«A piànu, a piànul»,
dizìa a mè matèssi;
no abarìsthia vurùdu nemmàncu lu cori
intindì più fòrthi di chissu sirénziu.
Àlthru nùdda s'intindìa
chi la bòzi di l'àiburi e una fùntàna.
A pògu a pògu arribìa, cu lu vèntu
un'àlthra bòzi calma e ripittòsa,
luntàna, la ziddài.
Dabói di tant'ànni l'àggiu vìsthu,
dùi pizzìnni fattu, mè figlióri,
zirchèndi l'utturìni antìghi
in un ciaraméddu di càsi e di carréri
E éiu. darédd'a ]u balchòni tancàdu
pinsàba a ùna canzòna ch'abia,
sènza paràuri, la campàgna.